Reglur GF á fótboltavellinum

Reglur GF á fótboltavellinum

Reglurnar gilda líka um þá sem eru áhorfendur. Dómarar á vellinum stjórna og nemendur skulu fylgja fyrirmælum þeirra í einu og öllu.

Æskileg hegðun á vellinum

• Hvetja liðsfélaga áfram
• Brosa og hafa gaman
• Nota vaxtarhugarfar
• Fara í þau lið sem dómarinn ákveður og fara að hans fyrirmælum
• Hrósa fyrir það sem vel gert
• Biðjast afsökunar þegar við gerum mistök
• Bera virðingu fyrir öllum, líka þeim sem æfa ekki fótbolta
• Sýna því skilning að dómarar gera mistök eins og aðrir

Á vellinum viljum við hafa jákvæða leiðtoga sem hrósa og fá alla í liðinu með sér á jákvæðan hátt.

Dómarar fylgjast sérstaklega með ókurteisi, orðbragði og grófum leik (tæklingum og öðru ofbeldi).

Dómari gefur rautt spjald ef eitthvað af ofantöldu á sér stað og vísar þá nemanda af vellinum.

• Rautt spjald er eins dags bann á velli
• Rautt spjald í annað sinn er þriggja daga bann á velli
• Rautt spjald í þriðja sinn er sex daga bann á velli

Ofantalið er til viðmiðunar og getur dómari ákveðið lengra bann út frá alvarleika brotsins.

Öll rauð spjöld fyrnast á mánaðar fresti.

Ef nemandi fær rautt spjald vegna óæskilegrar hegðunar er það skráð sem dagbókarfærsla í Mentor af umsjónarkennara eða stjórnanda og foreldrar upplýstir um bannið sem því fylgir.

Ef nemandi fær fleiri en þrjú spjöld á mánaðar tímabili verður málinu vísað til skólastjórnenda.