Samvinnumenning

Mikið er lagt upp úr samvinnu allra í skólanum og ekki síst að allir séu hluti af teymi. Þannig fá allir áheyrn og frekari tækifæri til að hafa áhrif í skólastarfinu. Tveir umsjónarkennarar starfa saman með alla námshópa. Lausnaleitarteymi starfar saman og í teyminu eru m.a. iðjuþjálfi og þroskaþjálfar. Allt skipulag gerir ráð fyrir því að teymi fái góðan tíma til samráðs og fái tækifæri að taka saman ákvarðanir nemendum til heilla. Samvinnumenning er undirstaða þess að taka betri ákvarðanir ekki síst í fjölbreyttum nemendahópum. Nýir kennarar fá góðan stuðning í samstarfi við reyndari kennara og þannig á sér stað gagnvirkni sem nýtist starfsmönnum og skólanum öllum.