SkˇlaheilsugŠsla

Skˇlahj˙kurnarfrŠ­ingur er: ١runn Bj÷rg Jˇhannsdˇttir h˙n heimsŠkir skˇlann a­ jafna­i vikulega og ver­ur h˙n Ý skˇlanum ß mßnud÷gum 9:00-13:30 H˙n

SkˇlaheilsugŠsla

Skólahjúkurnarfræðingur er: Þórunn Björg Jóhannsdóttir hún heimsækir skólann að jafnaði vikulega og verður hún í skólanum á mánudögum 9:00-13:30

Hún sinnir, skólaskoðun,  fræðslu og viðtölum við einstaka nemendur. Jafnframt starfar Jónína Óskarsdóttir hjúkrunastjóri Heilsugæslunni Fáskrúðsfirði og Stöðvarfirði með skólanum eftir þörfum og situr m.a. í nemendaverndarráði.

Meginmarkmið skólaheilsugæslu er að stuðla að því að börn fái að vaxa, þroskast og stunda nám sitt við bestu andlegu, líkamlegu og félagslegu skilyrði sem völ er á.

Heilsugæsla í skólum er framhald af ung- og smábarnavernd. Skólaheilsugæslan leitast við að efla heilbrigði nemenda og stuðla að vellíðan þeirra í náinni samvinnu við foreldra/forráðamenn, skólastjórnendur, kennara og aðra sem koma að málefnum nemenda. Farið er með allar upplýsingar sem trúnaðarmál.

Reglubundnar skoðanir og bólusetningar

1. bekkur: Sjónpróf, heyrnarpróf, hæðarmæling og þyngdarmæling.
4. bekkur: Sjónpróf, hæðarmæling og þyngdarmæling.
7. bekkur: Sjónpróf, hæðarmæling, þyngdarmæling og athugun á litaskyni. Bólusett gegn mislingum, rauðum hundum og hettusótt (ein sprauta).
9. bekkur: Sjónpróf, heyrnarpróf, hæðarmæling og þyngdarmæling. Mældur blóðþrýstingur og bólusett gegn mænusótt, barnaveiki og stífkrampa (ein sprauta).

Nemendur í öðrum árgöngum eru skoðaðir ef ástæða þykir til.

Skólaheilsugæsla fylgist einnig með því að börn hafi fengið þær bólusetningar sem tilmæli Landlæknis segja til um. Ef börn hafa ekki fengið fullnægjandi bólusetningar verður haft samband við foreldra áður en bætt er úr því.

Fræðsla/heilbrigðishvatning/forvarnir

Tannvernd
Flúorskolun fer fram í skólanum hjá 1., 7. og 10. bekk tvisvar í mánuði.

Svefn, nesti og skjólfatnaður
Reglulegur og nægjanlegur svefn er mikilvægur fyrir heilsu og þroska barna. Börn þurfa að sofa 10 – 12 klst. á nóttu. Skóladagur nemenda er langur, mikilvægt er að borða reglulega og hafa með sér hollt og gott nesti. Einnig er nauðsynlegt að nemendur séu í góðum skjólfatnaði og með húfu og vettlinga.

Slys og veikindi
Veitt er fyrsta hjálp í skólanum og minniháttar slysum sinnt. Þurfi nemandi að fara á heilsugæslustöð fær hann fylgd frá skólanum ef þörf er á og foreldrar/forráðamenn látnir vita/kallaðir til. Mikilvægt er að skólinn hafi öll símanúmer þar sem hægt er að ná í foreldra á skólatíma barnsins. Ekki er ætlast til að óhöppum sem gerast utan skólatíma sé sinnt í skólanum.

Ef barn er með greindan alvarlegan sjúkdóm sem getur stefnt heilsu/lífi þess í bráða hættu er nauðsynlegt að skólaheilsugæsla viti af því. Hér er átt við sjúkdóma eins og t.d. sykursýki, ofnæmi, flogaveiki og blæðingarsjúkdóma.

Lyfjagjafir
Samkvæmt fyrirmælum Landlæknisembættisins eru sérstakar vinnureglur varðandi lyfjagjafir til nemenda á skólatíma. Þar kemur meðal annars fram að skólabörn skulu ekki fá önnur lyf í skólanum en þau sem hafa verið ávísuð af lækni. Í engum tilvikum getur barn borið ábyrgð á lyfjatökunni, ábyrgðin er foreldra. Börn skulu ekki hafa nein lyf undir höndum í skólanum nema í algjörum undantekningartilvikum.  Slíkar lyfjagjafir geta t.d. verið insúlíngjafir sem barnið sér sjálft alfarið um.
Foreldrar/forráðamenn þeirra barna sem þurfa að taka lyf á skólatíma skulu hafa samband við skólaheilsugæslu sem skipuleggur lyfjagjafir á skólatíma.

Lús
Lúsin kíkir alltaf reglulega í heimsókn og því mikilvægt að foreldrar kembi hár barna sinna reglulega, t.d. vikulega.